Umutwe wa Hamas wigambye ko warashe roketi mu mujyi wa Rafah ihitana bamwe mu basirikare ba Israel.
Igisirikare cya Israyeri, kuri uyu wa gatatu, nacyo cyahise cyemeza aya makuru gitangaza ko abasirikare bayo batatu biciwe mu gace ka Rafah kari mu Majyepfo y’intara ya Gaza.
Ibyo bitero bibaye mu gihe amashyirahamwe ashinzwe gutabara imbabare nka Croix Rouge yatangaje ko agahenge gakenewe mu ntara ya Gaza kugira bashobore guha imfashanyo Abanyapalestina bayikeneye byihutirwa.
Kate Forbes ayoboye ishirahamwe Croix Rouge, yabwiye itangazamakuru Reuters, ko biteguye gufasha abanyagihugu baba mu mujyi wa Rafah, ariko bikaba bisaba agahenge ku mpande zihanganye.
Reta Zunze Ubumwe za Amerika zo zerekanye impungenge zikomeye, ku bitero by’indege z’intabara za Israyeri zagabwe i Rafah, zigahitana Abanyapalestina 45 bari mu nkambi y’impunzi mu karere ka Rafah, bikomeretsa abandi 200.
Amerika yahise isaba ko hakorwa iperereza ryimbitse ku bagabye icyo gitero bagahanwa.
