Uruzinduko rwa mbere rwa perezida mushya w’u Bufaransa, Emmanuel Macro yarukoreye mu gihugu cya Mali, mu kurusoza perezida wa Mali, Ibrahim Boubacar Keà¯ta yamugeneye impano y’imyembe.
Muri urwo ruzinduko Macro yakoze ku nshuro ya mbere, yasuye abasirikare b’u Bufaransa bari muri operasiyo Barkhane mu gace ka Gao muri Mali, uruzinduko yakoze kuri uyu wa Gatanu tariki ya 19 Gicurasi 2017.
Nk’uko bitangazwa n’ikinyamakuru Le parsien, Perezida Emmanuel Macro akoze uruzinduko rwe rwa mbere asura izi ngabo ze ziri mu butumwa bw’akazi muri Mali bwo kugarura amahoro, ku bw’impamvu y’ibibazo zagaragaje zifite birimo n’ubushyuhe bwinshi zihura nabwo kandi nta byangombwa bihagije zifite zo kububamo, hakiyongeraho n’ikibazo cy’umutekano.
[xyz-ihs snippet=”google-pub”]
Perezida Macron ageze muri Mali yakiriwe na mugenzi we wa Mali, Ibrahim Boubacar Keà¯ta bagira byinshi baganira kuri iki kibazo cy’abasirikare ba Mali ndetse banagirana ibiganiro bitsura umubano hagati y’ibihugu byombi.
Mu gusoza uruzinduko rwe, Perezida Ibrahim Boubacar yageneye mugenzi we impano y’imyembe, ibiro 600, nk’uko iki kinyamakuru Le parsien cyakomeje kibitangaza.
Igihingwa cy’imbuto z’imyembe, ni kimwe mu byinjiriza igihugu cya Mali amafaranga atubutse, mu mwaka wa 2015, iki gihugu cyejeje toni 600,000 z’imyembe, 6% by’uyu musaruro nibyo byagemuwe ku masoko yo hanze.
Muri uwo mwaka wa 2015, Mali yabashije kwinjiza miliyoni 30 z’amadolari ya Amerika ahwanye na miliyari 15 z’amasefa, amafaranga akoreshwa muri Mali (F CFA).
Kanda hano ujye ubona amakuru yihuse kandi kugihe kuri Facebook no kuri twitter
Théoneste/Bwiza.com
