Icyumba cy’Ubujurire cy’Urukiko Mpuzamahanga Mpanabyaha (ICC) rwemeje ibihano ku byaha hafi ya byose mu rubanza hagati y’umushinjacyaha na Jean-Pierre Bemba Gombo, Aimé Kilolo Musamba, Jean-Jacques Mangenda Kabongo, Fidèle Babala Wandu na Narcisse Arido. Icyumba cy’ubujurire kuri uyu wa Gatatu ushize kikaba cyarateye utwatsi ubujurire bw’aba bantu batanu ku gihano cy’igifungo cy’amezi 12 bakatiwe bazira kubangamira abatangabuhamya.
Iki cyumba ariko cyanahanaguyeho icyaha cyo gutanga ibihamya by’ibihimbano Jean-Pierre Bemba, Kilolo na Mangenda . ibi byemezo byose kandi bikaba bidasubirwaho.
Ku kijyanye n’ibihano byatangajwe n’urugereko rw’ibanze rw’Urukiko Mpuzamhanga Mpanabyaha rwa 7, yaba Bemba, Babala, Arido ndetse n’umushinjacyaha bose barajuriye. Icyumba cy’ubujurire kikaba cyarateye utwatsi ubujurire bw’abaregwa, ibihano byakatiwe Babala na Arido bikaba bidasubirwaho mu gihe Bemba we agifite amahirwe.
Naho ku ruhande rw’ubushinjacyaha bwari bwajuririye ibihano byahawe Bemba, Mangenda na Kilolo nk’uko Radio Okapi dukesha iyi nkuru ikomeza ivuga, iki cyumba cyemeye gukurikirana ubujurire bw’ubushinjacyaha kivuga ko urugereko rw’ibanze rwakoze amakosa menshi mu gusesengura ingaruka.
Iki cyumba cy’ubujurire kandi cyakomeje kivuga ko urugereko rw’ibanze nta bubasha rwari rufite bwo gutanga igihano cy’igifungo ariko uwagihawe agafungirwa hanze nk’uko rwabigenje kuri Mangenda na Kilolo, gihita gisubiza iki kibazo mu rugereko rw’ibanze kugirango rufate undi mwanzuro nk’uko byemeza n’itangazo rya ICC.
Kanda kuri SUBSCRIBE ujye ubona ibiganiro n’indirimbo bishya
