Icyumba gishinzwe guca imanza ku byaha mpuzamahanga cy’Urukiko Rukuru hagati muri uku kwezi kigiye kwimurirwa mu Karere ka Nyanza.
Nk’uko bitangazwa na Harrison Mutabazi , umuvugizi akaba n’umugenzuzi w’inkiko, ngo iki cyumba cyari cyarakiriwe mu biro by’Urukiko Rukuru rwa Kigali kuva cyashyirwaho mu 2012.
Yongeyeho ko inyubako kizakoreramo zirimo kuzura hakaba hari gushyirwamo ibizoroshya ikoranabuhanga kuko ibyumba by’urukiko nk’ibi bigomba kuba byujuje ibyangombwa, bakaba bizeye ko vuba muri uku kwezi kwa kane, buri kintu kizaba cyimuwe I Kigali nk’uko yabitangarije The New Times.
Mutabazi yongeyeho ko abacamnaza n’abanditsi bose b’urukiko bazimukira I Nyanza.
Inyubako nshya iki cyumba kizakoreramo ngo zizaba zinarimo ishami ry’ubushinjacyaha kuko Urwego Rukuru rw’Ubushinjacyaha bw’igihugu nabwo bufite igice kirebana n’ibayaha mpuzamahanga.
Mu Ukwakira 2015, Urukiko rw’Ikirenga rwasinyanye amasezerano y’ubwimvikane (MoU) n’ikigo cy’ubwubatsi cya Horizon yo kubaka inyubako izatwara miliyari 2,3 z’amanyarwanda mu Murenge wa Busasamana, yatewe inkunga na guverinoma y’u Rwanda n’u Buholandi.
Iyi nyubako ngo ikazafasha icyumba gishinzwe gukurikirana ibyaha mpuzamahanga kuba ku rwego mpuzamahanga mu bijyanye n’ibikoresho bizafasha kubika neza amadosiye n’inyandiko.
Icyumba cy’Urukiko Rukuru gishinzwe gukurikirana ibyaha mpuzamahanga cyashinzwe mu 2012 kigomba kuburanisha abantu bashinjwa uruhare muri jenoside, ibyaha by’intambara n’ibyaha byibasiye inyokomuntu boherejwe mu Rwanda bavanwe mu mahanga no mu rukiko mpuzamahanga mpanabyaha rwashyiriweho u Rwanda.
Uru rukiko ngo rukaba runumva ibirego by’icuruzwa ry’abantu.
Kanda kuri SUBSCRIBE ujye ubona ibiganiro n’indirimbo bishya
