Kuri uyu wa Gatatu Minisitiri Maj. Gen. (Rtd) Albert Murasira, ushinzwe ibibazo by’impunzi mu nshingano ze, yakurikiranye inama y’abaminisitiri yahuje abahagarariye guverinoma baturutse mu bihugu bitandukanye bya Afurika yaberaga i Nairobi, muri Kenya, kuva ku itariki 16-18 Werurwe 2026.
Iyi nama yitabiriwe n’u Rwanda, u Burundi, Tanzania, Kenya, Uganda, Zambia, Malawi, Mozambique na Afurika y’Epfo, hamwe n’Ishami ry’Umuryango w’Abibumbye ryita ku Mpunzi (UNHCR), abafatanyabikorwa mu iterambere n’imiryango y’ubukungu mu karere.
Ibiganiro byari bigamije gushaka igisubizo cy’ikibazo cy’impunzi z’Abarundi binyuze mu mikoranire yibanda ku guteza imbere no gushimangira gutaha ku bushake no gusubiza mu buzima busanzwe impunzi mu gihugu cyabo.
Minisitiri Murasira yashimangiye ubushake bw’u Rwanda, ashimangira ko “gushyira mu bikorwa neza ibyumvikanweho bizasaba ubushake bwa politiki bukomeye, kutihunza ikibazo ndetse no gusangira inshingano mu bafatanyabikorwa bose.”
