Urutonde ngarukakwezi rw’Ishyirahamwe ry’Umupira w’Amaguru ku Isi (FIFA) rwashyizwe ahagaragara kuri uyu wa Gatatu ruragaragaza ko ikipe y’igihugu, Amavubi yazamutseho imyanya 6.
Kuri ubu Amavubi arabarizwa ku mwanya wa 85 avuye ku mwanya wa 91 nk’uko urubuga rwa internet rwa FIFA rubitangaza.
Mbere y’irushanwa ry’abakinnyi bakina muri shampiyona yabo ku mugabane w’Afurika (CHAN), Amavubi yanganyije na Cameroun ubusa ku bundi ndetse inatsinda Repubulika Iharanira Demokarasi ya Congo igitego 1-0.
Mu Karere ka Afurika y’u Burasirazuba, ikipe ya Uganda iri ku mwanya wa 70 yasubiye inyuma imyanya 8, Kenya yasubiye inyuma imyanya 2 iri ku mwanya wa 99, Repubulika Iharanira Demokarasi ya Kongo yazamutse imyanya 3 iri ku mwanya wa 57, Tanzania yazamutse umwanya umwe iri ku mwanya wa 125, Ethiopia yasubiye inyuma imyanya 6 ikaba iri ku mwanya wa 124.
Kanda hano ujye ubona amakuru yihuse kandi kugihe kuri Facebook no kuri twitter
Dennis Ns./Bwiza.com
