Imbonerakure nk’urubyiruko rw’ishyaka CNDD FDD riri ku butegetsi rushinjwa kwirirwa ruhanganye n’abarwanya Leta ya Nkurunziza, kuri ubu batangaza ko igihugu kinjiriwe n’abandi bantu ngo bashobora kubaca mu rihumye bakaba bakwica perezida Nkurunziza.
Umwe mu Mbonerakure yagize ati: “ yohereje abandi bantu ngo barase perezida wacu, mugabo arebe neza hari igihe atahirwa, yohereje abantu bashyika 40 ngo baneke banakore ibishoboka byose ngo barase Nkurunziza,…”.
Mu gihe atavuga uwaba yohereje izo za maneko, akomeza avuga ko zaturutse muri RD Congo, guturuka Bukavu bashyika Uvira, bagomba kugera mu Burundi, nk’uko Radio RPA ibitangaza.
Ati: “ Bararenga abandi bahinguka, mugabo rero ubu ni ukurikanura no kurimyora ”.
Iyi Mbonerakure yakomeje ivuga ko hari n’abandi bakobwa b’indaya bagera kuri 300 boherejwe i Burundi cyane cyane mu gace ka Kamenge, ngo bakaba baneka kugirango Nkurunziza azicwe, ati: “ Yohereje n’abamalaya majana atatu, basha ni ukurikanura cyane…basha ni ukubahiga bunyamaswa ”.
Leta y’u Burundi yagiye ishinjwa gukoresha Imbonerakure mu bikorwa byo kwica n’ibindi bikorwa byo guhohotera abarwanya Leta, bivugwa ko zahawe imbunda n’imyenda ya polisi n’igisirikare.
Kanda hano ujye ubona amakuru yihuse kandi kugihe kuri Facebook no kuri twitter
Nsengiyumva Philipe/Bwiza.com
