Imibare mishya: Afurika ifite abarwayi ba Coronavirus barenga 418

Imibare y’agateganyo Ishami ry’Umuryango w’Abibumbye Ryita ku Buzima (WHO/Africa) ryashyize ahagaragara ku gicamunsi cy’uyu wa 17 Werurwe 2020, yagaragazaga ko abantu bamaze kwandura Coronavirus kuri uyu mugabane ari 418, ubu bamaze kurenga.

Misiri ni cyo gihugu gifite abarwayi benshi b’iki cyorezo, bamaze kugera ku 150 bavuye ku 110 bari babaruwe ku gicamunsi cy’uyu wa 16 Werurwe. Hari kandi ibihugu byamaze kwiyongeraho umubare nka Kenya na RDC.

Hari ubwiyongere buri hejuru mu bihugu nka Misiri na Afurika y’Epfo, ku buryo bishoboka ko iyi mibare yaba yarenze.

Kuri uyu wa 16 Werurwe, WHO/Afurika yari yatangaje ko abarwayi 317 ari bo bari bamaze kubarurwa kuri uyu mugabane.

Imibare iri kuri uru rutonde igagaragaza abarwayi 420 mu bihugu biri ku mugabane w’Afurika. Ku rutonde rw’uyu muryango, hiyongeyebo umwe wo muri Kenya n’undi wo muri RDC.

Ibihugu n’umubare w’abamaze kwandura Coronavirus

• Algeria: 60
• Benin: 1
• Burkina Faso: 15
• Cameroon: 5
• CentrAfrica: 1
• Congo: 1
• Ivory Coast: 5
• Repubulika Iharanira Demukarasi ya Congo: 4
• Misiri: 150
• Equatorial Guinea: 1
• Eswatini: 1
• Ethiopia: 4
• Gabon: 1
• Ghana: 6
• Guinea: 1
• Kenya: 4
• Liberia: 1
• Morocco: 6
• Mauritania: 1
• Namibia: 2
• Nigeria: 3
• Rwanda: 7
• Sudani: 1
• Senegal: 26
• Somalia: 1
• Seychelles: 4
• Tunisia: 20
• Tanzania: 1
• Togo: 1
• Afurika y’Epfo: 62