Umuvugizi w’ingabo za Congo ziri mu bikorwa byo kugaba ibitero ku nyeshyamba za ADF/Nalu zikomoka muri Uganda, capt. Mak Hazukay yatangaje ko imirwano yabahuje n’izi nyeshyamba yaguyemo bane.
Radiyo Okapi itangaza ko imirwano yabereye mu gace ka Parikingi na Abialos, muri teritwari ya Beni ho muri Kivu ya Ruguru ku wa 18 Mutarama 2017.
Capitaine Mak Hazukay atangaza ko FARDC yagerageje kuvana mu birindiro izi nyeshyamba muri utu duce tubiri, muri operasiyo bise “Usalama 2 [Paix]”, muri iyo mirwano, imbunda ebyiri zo mu bwoko bwa AK47, Morotsiye imwe na radiyo Motorola bikaba byarafashwe.
Muri iki gitero cyo ku wa 18 Mutarama 2017, Capt Mak atangaza ko cyaguyemo abarwanyi bane ba ADF/Nalu, gusa ubu zikaba zarakuwe muri utu duce zari zarigaruriye.
Raporo zitandukanye zagiye zishyirwa hanze n’ishami rya Loni riharanira uburenganzira bwa muntu, zishinja inyeshyamba za ADF Nalu kwica abaturage babarirwa mu bihumbi mu gace ka Beni ndetse no kubakorera ihohoterwa mu buryo butandukanye.
Kanda hano ujye ubona amakuru yihuse kandi kugihe kuri Facebook no kuri twitter
Nsengiyumva Philippe/Bwiza.com
