Elon Musk yatangaje ko ashobora gukenera kubagwa ijosi no mu mugongo wo hejuru mbere y’uko yitegura kurwana n’umuherwe Mark Zuckerberg nyiri urubuga rwa Facebook n’izindi.
Ni mu gihe aba bagabo ngo bitegura uyu mukino mu rwego rwo gushaka kwemezanya ngo hagaragare ufite imbaraga z’umubiri kurusha undi.Bikaba bikomeje guteza ururondogoro ku mbuga nkoranyambaga.
Icyakora, Umuyobozi mukuru wa Tesla, Musk, ufite imyaka 52, yavuze ko agomba gukorerwa isuzuma rya MRI ku mvune yagize ishobora guhagarika intambara izabahuza bicyekwa ko izaba itariki 26 Kanama 2023 cyangwa akaba aribwo hatangazwa umunsi nyawo bitewe n’uburyo ubuzima bwe buzaba bumeze.
Abinyujije kuri kuri X – Twitter ,Musk yavuze ko itariki nyayo ikirimo gutekerezwaho bitewe n’iyi mvune yo ku ijosi no ku mugongo wo hejuru Ati”Bishobora gusabwa kubagwa mbere yuko imirwano iba. Italiki nyayo izamenyekana muri iki cyumweru.”
