Urutonde rw’imitwe bamwe bafata nk’iyiterabwoba yateje akaduruvayo ku Isi yose ukurikije aho ibihugu yakoreyemo biri, idini ry’abantu bibasiwe, ubwoko bwabo n’ibindi.
Dore imitwe 10 iteye ubwoba kurusha iyindi nk’uko tubikesha urubuga rwa toptens
Al-Qaeda
Al-Qaeda ni umutwe w’iterabwoba w’abahezanguni b’Abayisilamu b’Abasuni. washinzwe mu 1988 na Osama bin Laden, Abdullah Azzam, n’abandi bakorerabushake benshi b’Abarabu nka Ayman al-Zawahiri, mu gihe cy’intambara y’Abasoviyeti muri Afghanistan.
ISIS
Islamic State of Iraq and the Levant (ISIL), Islamic State of Iraq and Syria (ISIS) cyangwa Daesh mu magambo ahinnye y’icyarabu, ni umutwe w’abarwanyi kandi wahoze ari igihugu kitigeze cyemerwa ugendera ku ngengabitekerezo z’abajihadiste b’Aba-Salafi. Iyoborwa na Abu Ibrahim al-Hashimi al-Qurashi, ariko yashinzwe na Ab? Mu??ab Zarq?w? mu 1999.
Taliban
Abatalibani, biyita Ubwami cyangwa (Emirate) bwa Kisilamu bwa Afghanistan, umutwe wabo wa politiki wa kisilamu kandi witwara gisirikare uherutse gufata ubutegetsi wari warambuwe muri Afghanistan mu 2001. Bayoborwa na Hibatullah Akhundzada kuva mu 2016, washingiwe muri Nzeri 1994, muri Kandahar.
Irish Republican Army
Igisirikare cya Repubulika ya Irlande (IRA) ni izina rikoreshwa n’imitwe itandukanye yitwara gisirikare kuva mu kinyejana cya 20 na 21. Iyi mitwe igenda yitirirwa iri zina yitangiye guharanira ubwigenge bwa Ireland, yizera ko Ireland yose igomba kuba repubulika yigenga itagengwa n’ubutegetsi bw’u Bwongereza.
Ku Klux Klan
Ku Klux Klan (izwi mu mpine nka KKK) ni itsinda rigendera ku ngengabitekerezo y’urwango rikora rwihishwa ryashinzwe mu 1866 riherereye muri Amerika. Iri tsinda rizwiho ingengabitekerezo za politiki, zirimo kwishyira hejuru kw’abazungu, kumva ko igihugu ari icy’abazungu gusa, kurwanya abimukira, kurwanya abakomunisiti, iterabwoba rya gikirisitu, kurwanya Abagatolika, Kurwanya Abayahudi, kurwanya Ubunyaburayi, Abanazi bashya no kurwanya Isilamu.
Hezbollah
Hezbollah ni ishyaka rya politiki ry’Abayisilamu b’Abashia bo muri Libani n’umutwe w’abarwanyi, riyobowe n’umunyamabanga mukuru waryo, Hassan Nasrallah kuva mu 1992. Ishami ryaryo rya gisirikare n’Inama ya Jihad, naho umutwe wa politiki ni Ubudahemuka ku ishyaka rya Resistance mu Nteko ishinga amategeko ya Libani. Iyobowe na Sayyed Hassan Nasrallah nk’Umunyamabanga Mukuru, mu gihe yashinzwe na Imad Mughniyeh, Ali Akbar Mohtashamipur, Mohammad Hussein Fadlallah.
Lashkar-e-Taiba
Lashkar-e-Taiba ni umutwe w’iterabwoba wa kisilamu washingiwe muri Pakistan ukunze kugaba ibitero by’iterabwoba ku Buhinde. Yashinzwe mu 1987 na Hafiz Muhammad Saeed, Abdullah Yusuf Azzam, Zafar Iqbal hamwe n’abandi ba Mujahideen benshi batewe inkunga na Osama bin Laden mu ntambara y’Abasoviyeti.
Boko Haram
Boko Haram, izwi ku izina rya Jam?’at Ahl as-Sunnah lid-Da’wah wa’l-Jih?d, ni umutwe w’iterabwoba ufite icyicaro mu majyaruguru y’uburasirazuba bwa Nigeria, unakorera muri Tchad, Niger no mu majyaruguru ya Cameroun. Mu mwaka wa 2016, iryo tsinda ryacitsemo ibice, bituma havuka umutwe bidacana uwaka wa Leta ya Kisilamu mu Ntara y’Uburengerazuba bwa Afurika (Islamic State’s West Africa Province). Boko Haram yashinzwe muri 2002 na Mohammed Yusuf.
Hamas
Hamas ni umuryango w’ibanze w’abasuni b’abayisilamu bo muri Palesitine, abarwanashyaka, ko Palestina iba igihugu cyemewe. Ifite ishami ryita ku mibereho rizwi nka Dawah, n’ishami rya gisirikare rizwi nka Izz ad-Din al-Qassam Brigades.
Hamas yashinzwe mu 1987 ishingirwa I Gaza n’abantu nka Ahmed Yassin, Hassan Yousef, Mahmoud al-Zahar n’abandi. Ubu iyobowe na Ismail Haniyeh (Umuyobozi w’ishyaka), Khaled Mashal na Mahmoud al-Zahar.
Al-shabaab
Harakat al-Shabaab al-Mujahideen, HSM; benshi bazi ku izina rya al-Shabaab, ni umutwe w’iterabwoba, ukorera muri Afurika y’Iburasirazuba na Yemeni. Washinzwe mu 2006 ikaba ufite icyicaro ahitwa Jilib muri Somalia. Uyu mutwe kandi ni igice cya Al-Qaeda.
