Imodoka 10 zihenze ku buryo zigera muri miliyari z’Amanyarwanda – Amafoto

Hanze aha hari imodoka zihenze zizwi abantu basanzwe babona bagakeka ko nta zindi zibaho zihenze kuzirusha, ariko buriya hari imodoka z’agaciro ngo usanga zikorerwa abantu bamwe babisabye uruganda ugasanga ni na nkeya ku isoko. Ni yo mpamvu Bwiza.com yifuje kubagezaho imodoka 10 zihenze kurusha izindi usanga zigura amafaranga abarirwa muri za miliyari z’Amanyarwanda.

1. Koenigsegg CCXR Trevita

Iyi modoka igura miliyoni 4,8 z’Amadolari, ikaba iteye irangi rya diamond. Hakozwe imodoka 3 gusa z’ubu bwoko.

2. Lamborghini Veneno

Iyi modoka yakozwe mu rwego rwo kwizihiza imyaka 50 y’uruganda rwa Lamborghini. Ni imodoka ifite agaciro ka miliyoni 4,5$ yihuta cyane kuko igenda mile 60 mu masegonda 2,9.

3. W Motors Lykan Hypersport

Iyi ni imodoka igaragara muri film yakunzwe cyane Fast and Furious mu gice cyayo cya 7 isimbuka inyura mu igorofa rirerire. Iyi yiruka mile 62 mu masegonda 2.8, ikaba ifite agaciro ka miliyoni 3,4$. Izi modoka ni na zo zikoreshwa n’igipolisi cya Dubai.

4. Bugatti Veyron

Iyi ngo ntabwo ari imwe mu modoka zihuta gusa, ahubwo ni n’imwe mu modoka zihenze nayo igura miliyoni 3,4$.

5. Ferrari Pininfarina Sergio

Iyi igura miliyoni 3$, hakaba harakozwe imodoka nk’izi 6 gusa. Iyi ikaba yarakozwe hasubirwamo Ferrari 458 Spider. Abatunze izi modoka bose ngo ni uruganda rwazikoze rwabahisemo.

[xyz-ihs snippet=”google-pub”]

6. The $2.6 million Pagani Huayra

Iyi modoka yo yahawe izina biturutse ku Kigirwamana cy’aba-Inca cy’Umuyaga. Iyi modoka yamuritswe bwa mbere mu imurika ry’amamodoka ryiswe Geneva Motor Show mu 2016. Ifite agaciro ka miliyoni 2,6$.

7. Ferrari F60 America

Uruganda rwakoze ubu bwoko bwa Ferrari rwakoze imodoka 10 zonyine rwizihiza imyaka 60 rwari rumaze rukorera muri Amerika ya ruguru ikaba ifite agaciro ka miliyoni 2,5$.

8. Bugatti Chiron

Bugatti Chiron nayo ifite agaciro ka miliyoni 2,5$, ikaba yarakozwe ikurikira ubundi bwoko bwa Bugatti bwitwa Veyron. Iyi nayo ishobora kwiruka mile 60 mu masegonda 2,5.

9. Koenigsegg One:1

Iyi ni imodoka igura miliyoni 2$ ikaba imwe mu modoka zihuta zakozwe n’uruganda rwo muri Sweden. Bivugwa ko hakozwe imodoka 6 z’ubu bwoko nazo zigahita zigurwa byihuse.

10. Koenigsegg Regera

Iyi nayo yakozwe n’uruganda rwakoze Koenigsegg One ifite agaciro nayo ka miliyoni 2$, ikaba imwe mu modoka zinyaruka.
 
Src:Wondelist
 
Kanda hano ujye ubona amakuru yihuse kandi kugihe kuri Facebook no kuri twitter
 
Dennis Ns./Bwiza.com