Imyigaragambyo yo kwamagana MONUSCO yari iteganyijwe i Goma yaburijwemo

Umuyobozi wa polisi mu mujyi wa Goma, komiseri mukuru, François Kabeya, yabujije imyigaragambyo iyo ari yo yose yari iteganijwe kuri uyu wa Mbere, itariki 25 Nyakanga 2022 y’amashyirahamwe y’abenegihugu.

Mu byukuri, abatuye Goma kimwe n’urubyiruko rw’amashyirahamwe y’abenegihugu, bari batangaje imyigaragambyo yo kwamagana ingabo z’Umuryango w’Abibumbye muri Repubulika ya Demokarasi ya Congo (MONUSCO).

MONUSCO irashinjwa kunanirwa inshingano zayo zo kugarura amahoro mu burasirazuba bwa Repubulika ya Demokarasi ya Congo, ndetse no gufatanya n’imitwe yitwaje intwaro.

Abasaba ko izi ngabo zava muri iki gihugu “ako kanya” bariyongera muri kariya karere, ndetse cyane cyane kuva aho M23 yongeye kwigomeka muri Rutshuru.

Umuyobozi w’Umujyi wa Goma aratangaza ko nta rugendo rwemewe aho ayoboye kuri uyu wa Mbere kandi yategetse inzego z’umutekano guhagarika icyifuzo icyo ari cyo cyose cyo kwigaragambya.

Mu nyandiko yashyizeho umukono kuri iki Cyumweru, 7SUR7.CD, yabashije kubona kopi yayo, yagize ati: “We (umuyobozi w’akarere, inyandiko y’umwanditsi) arasaba inzego zishinzwe umutekano kugera ku kazi kugira ngo baburizemo imyigaragambyo yose itemewe.”

Ku wa Gatanu ushize, i Goma habereye urugendo rwa mbere rwo kwamagana MONUSCO rwateguwe n’amashyirahamwe y’abagore. Imyigaragambyo yashojwe no kwicara ku cyicaro gikuru cya MONUSCO.