Minisitiri w’umutekano wa Congo, Evariste Boshab, yatangaje ko imyivumbagatanyo yadutse I Kinshasa nyuma y’imyigaragambyo y’abatavuga rumwe n’ubutegetsi yaguyemo abantu 17, barimo abapolisi batatu n’abasivili 14 ndetse ibintu byinshi bikaba byangijwe. Uruhande rutavuga rumwe n’ubutegetsi ariko rwo ruravuga ko hapfuye abantu 25. Ibi bikaba byatangajwe mu gihe minisitiri Mende yari yabanje gutangaza ko aria bantu bane bapfuye.
Minisitiri Boshab yatangaje ko mu gihe hari hitezwe imyigaragambyo mu mahoro yateguwe n’amashyaka ya politiki n’amashyirahamwe yiyumva nk’ayari ku ruhande rutavuga rumwe n’ubutegetsi, ari uruvange rw’ibiturika bya Molotov byakirijwe abashinzwe umutekano.
Mu bintu minisitiri w’umutekano yatangaje ko byangijwe, harimo ibiro by’amashyaka byangijwe ndetse n’ibigo nderabuzima.
Iyi myivumbagatanyo ikomeye yadutse mu murwa mukuru wa Repubulika iharanira Demokarasi ya Congo kuri uyu wa Mbere, ubwo abapolisi n’abigaragambya, basabaga ko amatora yazaba nk’uko biteganyijwe, batanye mu mitwe kuri buri ruhande hagapfa abantu ariko cyane cyane abasivili.
Minisitiri w’umutekano nk’uko Radio Okapi dukesha iyi nkuru ivuga, akaba yatangaje ko hazabaho gukurikirana mu butabera abagize uruhare mu byabaye kuri uyu wa mbere, itariki 19 Nzeri 2016, i Kinshasa.
Kanda hano ujye ubona amakuru yihuse kandi kugihe kuri Facebook no kuri twitter
Dennis Ns./Bwiza.com
