Nyuma y’igihe kitagera ku cyumweru indege ya kugujugu y’igisirikare cya RDC ihanutse, hari indi yahanutse, abarimo bose uko ari 8 bahasiga ubuzima.
Ni amakuru umwe mu basirikare ba RDC yahamirije igitangazamakuru Politico.cd kuri uyu wa 2 Mutarama 2021, aho avuga ko iyi kajugujugu ya kabiri yari itwaye itsinda ry’abari bagiye gutabara abakomerekeye mu mpanuka y’iya mbere.
Uyu musirikare yagize ati: “Kajugujugu ya mbere yari ifite ikibazo cya tekiniki. Indi yari igiye kuzana abarokokeye mu ya mbere. Yahagurutse ahagana saa moya z’umugoroba, ubwo yari mu nzira igaruka, habayeho ikirere kibi.” Yakomeje ati: “Iyi operasiyo yarimo abantu 8, bose bapfuye.”
Iyi ndege yahanutse ibura intera y’ibilometero 57 kugira ngo igera mu mujyi wa Kisangani.
Tariki ya 30 Ukuboza 2020 ni bwo igisirikare cya RDC cyatangaje ko iyi kajugujugu ya mbere yabuze. Hashize umunsi umwe, yabonetse mu gace ka Bafuasenge kari mu bilometero 130 ugana muri Kisangani, aho umupilote yari yayigwishije mu buryo bwihutirwa.
