Rwanda Premier League itegura shampiyona y’ikiciro cya Mbere mu Rwanda yatangaje ingengabihe ya Shampiyona ya 2024/25 iteganyijwe muri Kanama.
Ku gicamunsi cyo kuri uyu wa Gatatu tariki ya 24 Nyakanga 2024 nibwo Rwanda Premier League yasohoye iyi ngengabihe.
Biteganyijwe ko ku Munsi wa Mbere, Rayon Sports izahura na Marines FC, tariki 17 Kanama, mu gihe APR FC ifite Igikombe cya Shampiyona giheruka izahura na Rutsiro FC tariki 28 Kanama 2024 naho Kiyovu Sports izakina na As Kigali.
Umukino w’ishiraniro uhuza APR FC na Rayon Sports uteganyijwe ku munsi wa Gatatu wa shampiyona.
Kuri iyi ngengabihe yasohowe uyu munsi hagaragaraho imikino imwe n’imwe izajya ibera muri sitade Amahoro gusa mu gihe ikipe yumva itayigondera izajya yakirira muri Kigali Pele Stadium.
