Intumwa z’Ingabo z’u Rwanda ziyobowe n’Umugaba Mukuru w’Ingabo zirwanira ku butaka, Major General Vincent Nyakarundi, ziri mu ruzinduko rw’akazi rw’iminsi itanu i Paris mu Bufaransa, aho ziri kwitabira imurikabikorwa mpuzamahanga mu bya Gisirikare n’Umutekano rya Eurosatory 2026.
Eurosatory 2026 yatangiye kuri uyu Mbere ushize, itariki ya 15 Kamena 2026, i Paris ni ryo murikabikorwa rinini ku rwego rw’Isi ryibanda ku rwego rw’ingabo zirwanira ku butaka n’izirwanira mu kirere.
Rikora nk’urubuga rw’ingenzi ruhuza abayobozi b’ingabo, abahagarariye inganda zikora ibikoresho bya gisirikare n’abafatanyabikorwa baturuka hirya no hino ku Isi, bagasangira ubunararibonye, bakagirana ibiganiro ndetse bakarebera hamwe uburyo bwo kurushaho guteza imbere ubufatanye hagati y’ingabo z’ibihugu bitandukanye.
