Irushanwa mpuzamahanga ry’ubwiza rya Miss World 2021 ryitabiriwe n’Umunyarwandakazi Ingabire Grace ryahagaritswe bitewe n’ubwandu bwa Covid-19 bwagaragaye muri benshi baryitabiriye.
Miss World ku rubuga rwayo, kuri uyu wa 16 Ukuboza 2021 yatangaje ko ubwo bamwe mu bitabiriye iri rushanwa bari i Puerto Rico bari bamaze kugaragaraho ubu bwandu, habayeho inama hagati y’abaritegura n’inzobere mu by’ubuzima.
Bafashe icyemezo cy’impamvu z’ubuzima, iri rushanwa rihagaritswe, rikazakomeza nyuma y’iminsi 90.
Byateganyijwe ko abaryitabiriye barimo abahatana n’abaritegura barajyanwa mu kato, bagasuzumwa iki cyorezo, hanyuma abo bigaragaye ko batanduye bagasezererwa, basubira mu bihugu byabo.
