Ishyaka Ensemble Pour la République ry’umunyapolitiki Moà¯se Katumbi Chapwe, ryemeje ko ari we watsinze amatora y’Umukuru w’Igihugu yabaye mu cyumweru gishize.
Byatangajwe na Christian Mwamba uhagarariye Katumbi mu ntara ya Haut-Katanga, ubwo yari i Lubumbashi.
Yavuze ko Katumbi ari we watsinze amatora, ariko “kubera kutita ku nshingano, Perezida wa CENI (Komisiyo y’amatora muri RDC) arashaka kwiba intsinzi y’umukandida w’abaturage.”
Aba hafi ya Katumbi bakomeje gushimangira ko ari we wegukanye intsinzi, mu gihe amajwi y’agateganyo amaze gutangazwa yerekana ko Perezida Félix Antoine Tshisekedi ari we ukomeje kuza imbere y’abo bahatanye.
Mu gihe hamaze kubarurwa amajwi abarirwa muri miliyoni 2.7, imibare itangwa na CENI irerekana ko Tshisekedi ari imbere n’amajwi 80.3%, agakurikirwa na Katumbi ufite 15.8%.
Martin Fayulu aza ku mwanya wa gatatu n’amajwi angana na 1.8%.
