FPR

Kwamamaza

Kwamamaza

Iyo dusangiye umuganura twongera kubaka ubumwe bwacu- Guverineri Mufulukye

0

Guverineri w’Intara y’Iburasirazuba, Fred Mufulukye avuga ko gusangira umuganura byongera kubaka ubumwe bw’Abanyarwanda.

Yabitangaje ku wa Gatanu tariki ya 3 Kanama 2018, ubwo hizihizwaga umunsi ngarukamwaka mu gihugu w’Umuganura, umuhango wabereye mu gihugu hose Abanyarwanda basangira ku byo bejeje.

Guverineri Mufulukye muri uyu muhango yifatanyije n’abaturage ba Katabagemu mu karere ka Nyagataremu kuwizihiza, yabibukije ko ufasha Abanyarwanda kunga ubumwe bwabo.

Agira ati “Iyo dusangiye umuganura twongera kubaka ubumwe bwacu kandi ni nabwo dufata ingamba zo kongera umusaruro uruta uwo twaganuye”.

Guverineri yashimiye abaturage bo muri aka gace kuba badashonje, anabasaba kurushaho gukora cyane baharanira gushaka icyarushaho kubateza imbere mu gihe igihugu gifite ubuyobozi bwiza.

Ati “Iby’ibanze turabifite, dufite ubuyobozi bwiza n’umutekano… nta cyatubuza gukora cyane ngo twiteze imbere, nta muturage ushonje aha Katabagemu turabibashimira”.

Mu kwizihiza uyu munsi mukuru w’ umuganura,Guverineri Mufulukye n’abandi bayobozi bahaye abana amata n’umutsima banasabana n’abaturage basangira amafunguro n’ibyo kunywa.

 

 

 

Tanga igitekerezo cyawe

Your email address will not be published.