Marekani inapanga kufunga balozi zake na ofisi ndogo (consulates) katika nchi mbalimbali duniani — zikiwemo nchi za Afrika kama Jamhuri ya Kongo — kama sehemu ya mkakati wa kupunguza matumizi ya serikali ulioanzishwa na utawala wa Donald Trump.
Kwa mujibu wa gazeti la The New York Times, nyaraka kutoka Wizara ya Mambo ya Nje ya Marekani zinaonyesha kuwa balozi 10 na ofisi ndogo 17 zitafungwa. Nyingi ziko Afrika.
Miongoni mwa balozi zitakazofungwa ni za:
-
Jamhuri ya Afrika ya Kati
-
Eritrea
-
Gambia
-
Lesotho
-
Jamhuri ya Kongo (Congo Brazzaville)
-
Sudan Kusini
Vyombo vya habari Marekani vinaripoti kuwa hatua hiyo inalenga kupunguza gharama za serikali. Hata hivyo, bado inasubiri kuidhinishwa na Bunge la Marekani.
Hatua hii imezua wasiwasi kuwa Marekani huenda inatoa nafasi kwa China kushika hatamu za kidiplomasia, hasa katika maeneo ambayo awali Washington ilikuwa na nguvu zaidi ya Beijing.
Zaidi ya Afrika, Marekani pia inazingatia kufunga balozi zake:
-
🇱🇺 Luxembourg
-
🇲🇹 Malta
-
🇬🇩 Grenada
-
🇲🇻 Maldives
Ofisi ndogo zitakazofungwa ni pamoja na:
-
🇫🇷 Ufaransa: Bordeaux, Lyon, Marseille, Rennes, Strasbourg
-
🇩🇪 Ujerumani: Düsseldorf, Leipzig
-
🇧🇦 Bosnia na Herzegovina: Mostar, Banja Luka
-
🇬🇷 Ugiriki: Thessaloniki
-
🇮🇹 Italia: Florence
-
🇵🇹 Ureno: Ponta Delgada
-
🇬🇧 Uingereza: Edinburgh
-
🇨🇲 Cameroon: Douala
-
🇮🇩 Indonesia: Medan
-
🇿🇦 Afrika Kusini: Durban
-
🇰🇷 Korea Kusini: Busan
Huduma zilizokuwa zikitolewa kwenye ofisi hizi zitahamishiwa katika nchi jirani ambapo Marekani ina balozi nyingine.
