Ikigo gitunganya amazi yo kunywa mu Rwanda kikanayacuruza, JIBU Rwanda, kiraburira abakiriya bacyo ko hadutse abatubuzi bafata amwe mu macupa yabo bakiyitirira bakaba batanga amazi atujuje ubuziranenge.
Hashize iminsi ku mbuga nkoranyambaga hari abatunga agatoki amazi bakekaga ko akorwa na JIBU, bavuga ko yabaye mabi kuko babonamo umucanga, abandi bakavuga ko abatera ibicurane.
Abanyamakuru babajije Uwamahoro Rehema uhagarariye abacuruzi ba JIBU mu Rwanda iki kibazo, asubiza ko hari bamwe mu bacuruzi batari inyangamugayo bafata amacupa yashizemo amazi bakavomeramo, asanzwe atujuje ubuziranenge.
Yagize ati: “Ikibazo cy’uko hari bamwe mu bavuga ko hari amazi ya JIBU arimo umucanga ntabwo ari byo. Twebwe uburyo dutunganyamo amazi mwese mwabibonye dukoresha ikoranabuhanga ku buryo amazi yacu asohoka yizewe ku kigero cya 99.9 %. Hari bawe mu bacuruzi bafashwe bakora ayo manyanga, bashyikirijwe urwego rw’igihugu rw’ubugenzacyaha, RIB.”
Uwamahoro yakomeje asobanura ko hari agapapuro gasigara kometse ku munwa w’icupa kanditsejo JIBU kafasha abakiriya gutandukanya amazi y’iki kigo n’atari ayacyo. Agapapuro komokana n’umufunika, ntigasigare ku munwa na ko kagaragaza amazi atari ayabo.
Yagize: “Icyo twakwizeza abakunzi, abaturarwanda ni uko amazi ari meza yujuje ubuziranenge. Ikindi iyo umaze gupfundura icupa hari agapapuro gasigara kometse ku munwa w’icupa, iyo gasigayeho amazi aba ari aya JIBU.”
JIBU yatangiye gukorera mu Rwanda mu 2012, yibanda mu gutunganya amazi hakoreshejwe ikoranabuhanga ryo kuyayungurura. Ubu icuruza na gazi yo gutekesha ndetse n’ifu y’igikoma, byose ikaba yarabiherewe ibyangombwa by’ubuziranenge na RDB na FDA.
8 Responses
JIBU irasaba abaturarwanda kwitondera ababagurisha amazi atujuje ubuziranenge bayiyitirira
Twe byaratuyibeye.Hari igihe nayaguze nsutse mu gikombe nsangamo utuyoka twinshi kuva ubwo sinongeye.Kuki mudakora outlets supervision mureba ababiciye izina koko!!!!
JIBU irasaba abaturarwanda kwitondera ababagurisha amazi atujuje ubuziranenge bayiyitirira
Twe byaratuyibeye.Hari igihe nayaguze nsutse mu gikombe nsangamo utuyoka twinshi kuva ubwo sinongeye.Kuki mudakora outlets supervision mureba ababiciye izina koko!!!!
JIBU irasaba abaturarwanda kwitondera ababagurisha amazi atujuje ubuziranenge bayiyitirira
Amazi ya Jibu byo hari ahantu uyagura ukumva utazi uko ameze
JIBU irasaba abaturarwanda kwitondera ababagurisha amazi atujuje ubuziranenge bayiyitirira
Amazi ya Jibu byo hari ahantu uyagura ukumva utazi uko ameze
JIBU irasaba abaturarwanda kwitondera ababagurisha amazi atujuje ubuziranenge bayiyitirira
Ni byiza ko mwakinjiyemo. Njye nahisemo kwigurira Water guard niyo nsukamo. I Batsinda, ako gapapuro iyo komotse ku munwa w’icupa ntibaryakira rwose. Bigaragara ko bafungura robinet,bagasukamo ayo babonye bakatugurisha 1,500
JIBU irasaba abaturarwanda kwitondera ababagurisha amazi atujuje ubuziranenge bayiyitirira
Ni byiza ko mwakinjiyemo. Njye nahisemo kwigurira Water guard niyo nsukamo. I Batsinda, ako gapapuro iyo komotse ku munwa w’icupa ntibaryakira rwose. Bigaragara ko bafungura robinet,bagasukamo ayo babonye bakatugurisha 1,500
JIBU irasaba abaturarwanda kwitondera ababagurisha amazi atujuje ubuziranenge bayiyitirira
Ahubwo se muyatunganyiliza hehe? Ko nabonye hose hari inganda ziyayungurura,ikicaro kibarizwa hehe amashami yacyo aba hehe na he kuko nabonye iburasirazuba kuva i Nyagatare,Kabarore Kayonza hose barayungurura mutubwire abo mwahaye uburenganzira bwo kuyatunganya no kuyacuruza tubamenye
JIBU irasaba abaturarwanda kwitondera ababagurisha amazi atujuje ubuziranenge bayiyitirira
Ahubwo se muyatunganyiliza hehe? Ko nabonye hose hari inganda ziyayungurura,ikicaro kibarizwa hehe amashami yacyo aba hehe na he kuko nabonye iburasirazuba kuva i Nyagatare,Kabarore Kayonza hose barayungurura mutubwire abo mwahaye uburenganzira bwo kuyatunganya no kuyacuruza tubamenye