Umuhanzi w’icyamamare Justin Bieber n’Umukunzi we mushya, Hailey Badwin mu ijoro ryakeye ryo ku wa 26 Nyakanga 2018, batunguye benshi ubwo bagaragaraga basomana mu ruhame bitandukanye n’ibyo ubusanzwe abantu bamenyereye.
Iki gikorwa cyo gusomana bitamenyerewe mu ruhame cyabereye muri resitora iherereye mu mujyi wa NewYork ahitwa ’12 chairs muri Brooklyn.
Batitaye ku bari babakikije, Justin Bieber na Baldwin basomanye biratinda . Ni nyuma yaho bari bamaze iminsi bazenguruka ‘East Coast.
Justin Bieber n’umukunzi we bamaze igihe gisaga ukwezi batangaje ku mugaragaro ko bakundana nyuma yo kumenyanira muri Bahamas aho bahuriye.
Inkuru dukesha TMZ ivuga ko aba bombi bari mu myiteguro y’ubukwe kandi ko urukundo rwabo rushyushye.
Uwahoze ari umukunzi wa Justin Bieber, Selena Gomez we yavuze ko asanga uru rukundo ari agahararo kuko ngo bitumvikana uburyo aba bagiye gukora ubukwe bamaze igihe gito bamenyanye.
Fred Masengesho Rugira/Bwiza.com
