Kapiteni w’ikipe ya Dreams FC yo muri Ghana, Abdul Jalilu yageze i Kigali mu Rwanda aho aje kurangizanya na Mukura VS.
Ku mugoroba wo ku wa Gatanu tariki ya 28 Kamena 2024 nibwo uyu mukinnyi ukina yugarira yageze i Kigali mu Rwanda.
Uyu mukinnyi w’imyaka 24 yaje mu Rwanda gusinya mu ikipe ya Mukura Victory Sports iri kwiyubaka bidasanzwe.
Biteganyijwe ko kuri uyu wa Gatandatu tariki ya 29 Kamena 2024 aribwo uyu mukinnyi atereka umukono ku masezerano muri iyi kipe ibarizwa mu Karere ka Huye.
Abdul Jalilu yari Kapiteni w’ikipe ya Dreams FC yo muri Ghana aho yayifashije kugera muri kimwe cya kabiri gishira icyanyuma muri CAF Confederation Cup aho bakuwemo na Zamalek SC ku giteranyo cy’ibitego 3-0.
