Amakuru akomeje gucicikana ku mbuga nkoranyambaga cyane kuri Twitter, avuga ko Aimable Karasira, uherutse gutabwa muri yombi, yaba yaranduye Coronavirus. Amakuru ataremezwa n’inzego bireba, avuga ko yaba arwaye Covid-19 nk’imwe mu mpamvu zituma atagezwa imbere y’ubutabera. Mu gihe hari abibaza amakuru y’imvaho kuri iki kibazo, Minisiteri y’Ubutabera kuri Twitter, yavuze ko ibyo kuba Karasira yaba arwaye, itabitangaza mu binyamakuru kuko nta burenganzira ibifitiye. Banditse bati ” Ukurikiranywe ufite Avoka, bombi baba bazi cg bakwiye kuba bazi ibirebana n’urubanza, aho bibarizwa n’icyakorwa. Ukurikiranywe iyo arwaye: icyo arwaye, uko avurwa…biba biri mu buzima bwe bwite. Inzego z’ubutabera nta burenganzira zigira bwo kubitangariza itangazamakuru.” Iki ni igisubizo cyahabwa Ntwali John Williams wibazaga ati ” Iminsi 22 ishize umuhanzi @kauzai ataraburanishwa. Amakuru ataremezwa ahwihwiswa kuva ejo avuga ko yaba arwaye Covid19 nk’imwe mu mpamvu zo gutinda kuburana.Afunzwe na @ProsecutionRw, agacumbikirwa na @RIB_Rw /@Rwandapolice.Abavugizi b’izi nzego 3 ntibemera kubyemeza/kubinyomoza.” Uyu kandi yari yabajije ati ” 1)Yatawe muri yombi arwaye cyangwa yanduriye aho afungiwe? 2) Yaba arwaye byoroheje cyangwa ari mu barembye “Nyakubahwa Minister @BusingyeJohns, mwe mukuriye uruhererekane rw’inzego z’ubutabera, mwafasha Abanyarwanda kubona igisubizobaburiye ahabigenewe? Tubaye tubashimiye.” Kuwa 31 Gicurasi 2021 nibwo RIB yataye muri yombi Karasira Aimable. Mu butumwa RIB yashyize ahagaragara icyo gihe, yavuze ko itabwa muri yombi ry’uyu mugabo rije rikurikiye ibiganiro amaze iminsi atanga ku mbuga nkoranyambaga biha ishingiro jenoside yakorewe abatutsi muri 1994 bigaragaza ko itateguwe, binabiba amacakubiri mu banyarwanda. Kurikira ibiganiro n’amavidewo binyura kuri Bwiza TV
@RwandaHealth itubwira buri munsi? 3)Niba yarakuwe mu bandi (akato), arwariye he, afungiwe he? 4) Bibaye impamo urubanza rwe kuwa kabiri rwakomeza cyangwa rwasubikwa?
XMA Header Image
Ibi byose byaracuritswe batuzanira Imana itariyo\abanyamadini nta bisubizo batanga-Pastor Christophe
youtube.com
