Abapolisi babiri ba Kenya mu gitondo cyo kuri iki Cyumweru biciwe n’abantu bataramenyekana mu gitero cyagabwe ku rusengero rwa St Paul’s ACK ruherereye ahitwa Ukunda muri Kwale.
Umwe mu bapolisi yahise apfa, mu gihe undi yishwe n’ibikomere bari kumuvura ku bitaro bya Balm Beach biri ahitwa Diani. Aba bantu bateye saa yine za mu gitondo, ngo bakaba batwaye imbunda 2, AK47 na G3 z’abo bapolisi kuri ubu bakaba bari gukurikiranwa.
[xyz-ihs snippet=”google-pub”]
Aba bateye nk’uko ikinyamakuru cyo muri Kenya, Standardmedia kivuga, ngo bari bari kuri moto nk’uko byemezwa n’umuvugizi w’igipolisi muri ako gace witwa Larry Kieng.
Iyi nkuru irasoza ivuga ko abo bapolisi bishwe bari barinze amarembo y’urusengero ubwo baterwaga n’abantu bitwaje intwaro bikekwa ko ari abo mu mutwe wa Al Shabab bari baturutse muri Somalia.
Bamwe mu bakirisitu bari bari mu rusengero nabo ngo bakomeretse ubwo babyiganaga bihisha nyuma yo kumva urusaku rw’amasasu abapolisi barashwe. Aba nabo bakaba bahise boherezwa mu bitaro bya Balm Beach.
Kanda hano ubone amakuru yihuse kandi ku gihe kuri Facebook no kuri twitter
Dennis Ns./Bwiza.com
