Imyigaragambyo y’abakozi ku kibuga cy’indege gikuru cya Kenya mu murwa mukuru, Nairobi, yatumye indege zitinda kuri uyu wa Mbere nk’uko byatangajwe na sosiyete y’igihugu yo gutwara abantu mu kirere n’abashinzwe ibibuga by’indege.
Kenya Airways yavuze ko gutinda kugenzura ikirere byagize ingaruka ku guhaguruka no kugwa ku Kibuga Mpuzamahanga cya Jomo Kenyatta.
Ikibuga cy’Indege Mpuzamahanga cya Jomo Kenyatta ni kimwe mu bibuga by’indege by’ingenzi mu bijyanye no gutwara abantu mu kirere ku mugabane wa Afurika nk’uko inkuru dukesha Reuters ivuga.
Ariko, amakimbirane ashingiye ku murimo hagati y’amashyirahamwe y’abakozi b’ikibuga n’ubuyobozi bw’indege za gisivili arenze ibibazo abakozi bafite birimo no kutagira amasezerano y’akazi.
Mu cyumweru gishize ihuriro ryatanze integuza y’iminsi irindwi, ikigo gishinzwe indege za gisivili muri Kenya cyegera inkiko kugira ngo kigerageze guhagarika imyigaragambyo ariko iranga iraba.
