Minisiteri y’Ubuzima mu Rwanda kuri uyu wa 19 Nyakanga 2020 yatangaje ko abantu 43 banduye icyorezo cya Covid-19 mu bipimo 3214 byafashwe.
Ababonetse muri Kigali ni 34 bavuye mu itsinda riri mu kato ryitabwaho by’umwihariko. Rusizi yabonetsemo 3, Rubavu ibonekamo 3, Rutsiro ibonekamo 1, Nyabihu ibonekamo 1 na Nyamasheke ibonekamo 1.
Abamaze gukira iki cyorezo bageze kuri 834 barimo 15 b’uyu munsi.
Muri rusange abamaze kugaragaraho iki cyorezo mu Rwanda ni 1582, abakirwaye bageze kuri 743. Ibipimo byose byafashwe ni 207,022.
Batanu ni bo kimaze kwicira mu Rwanda barimo umusaza w’imyaka 65 y’amavuko, umupolisi w’imyaka 24 y’amavuko, umusirikare w’imyaka 51 y’amavuko, umusaza w’imyaka 78 y’amavuko n’umukecuru w’imyaka 88 y’amavuko.
