Minisiteri y’Ubuzima mu Rwanda kuri uyu wa 13 Nyakanga 2020 yatangaje ko hagaragaye abantu 41 banduye Covid-19 mu bipimo 3333 byafashwe.
Ababonetse muri Kigali ni 22 barimo itsinda riri mu kato ryitabwaho by’umwihariko. Harimo kandi itsinda ry’abantu 8 bafungiwe muri za kasho mu Karere ka Nyabihu. Akarere ka Nyamasheke kabonetsemo abantu 6 banduye Covid-19, mu gihe Rusizi yabonetsemo 5.
Abamaze gukira iki cyorezo bageze kuri 710 barimo 26 b’uyu munsi.
Muri rusange abamaze kugaragaraho iki cyorezo mu Rwanda ni 1378, abakirwaye bageze kuri 664. Abamaze gupfa ni bane barimo umusaza w’imyaka 65 y’amavuko, umupolisi w’imyaka 24 y’amavuko, umusirikare w’imyaka 51 y’amavuko n’umusaza w’imyaka 78 y’amavuko.
