Guhera mu gitondo cyo kuri uyu wa Gatanu i Kinshasa habyukiye imyigaragambyo y’urubyiruko rushyigikiye umunyapolitiki Martin Fayulu rwamagana ikirego aherutse kuregwa cyo gushaka kuzana amacakubiri ashingiye ku moko.
Uru rubyiruko ngo rukaba rwagaragaye ruzenguruka boulevard Lumumba ruririmba indirimbo zituka ubutegetsi bwa Felix Tshisekedi.
Uru rubyiruko rwiganjemo urwo mu gace ka Tshangu, mu burasirazuba bwa Kinshasa, rwahamagariye Martin fayulu kutazitaba urukiko kuwa Mbere. Itariki 06 Gicurasi.
Martin Fayulu akaba yararezwe mu rukiko n’uwitwa Jean-Claude Ngoy Lufuluabo.
Uyu amushinja kuzana urwango rushingiye ku moko, ubwicanyi bwakorewe Abaluba, ubusahuzi,, ibyaha bya jenoside n’ibyaha byibasiye inyokomuntu.
Mu kiganiro ariko yahaye 7sur7.cd kuri uyu wa Gatandatu, Martin Fayulu yatangaje ko we azitaba.
