Ku Isi, ubishaka n’ utabishaka bari mu ntambara y’ umwuka -Pst James Muyango

0 5

Agendeye ku isesengurwa n’ ubucukumbuzi bw’ ijambo ry’ Imana nk’ uko Pawulo yandikiye Abafeso, Senior Pastor wa Potter’s Hand Church, James Muyango asanga ku Isi, umuntu wese ubishaka kimwe n’ utabishaka bari mu ntambara y’umwuka.
Mu rwego rwo kurushaho gutanga ubusobanuro, Pst. Muyango yagize ati”Ukuri ku ntambara y’ umwuka ni uko ihari ariko iyo umuntu adafite amaso y’ umwuka ntashobora kuyibona”.Abefeso 6:12..
Yakomeje atanga ingeromfatizo avuga ko mu gihugu hari abaturage(abasivile) n’abasirikare bashinzwe kubarinda ariko mu Ijuru nta basivile babayo.

Abagize Itsinda Potter’ s Hand Worship Team mu guhimbaza Imana

Aha yagize ati” Bitewe ni uko nta mu sivile ubaho mu byo kwizera nta mukristu ukwiriye kuba indorerezi ategereje y’ uko hari abantu bakwiriye kumusengera , kumwingingira ahubwo twese tugomba kubaho mu buzima bwo gusenga nk’ ingabo ziri ku rugamba”.
[xyz-ihs snippet=”google-pub”]
Akurikije uburyo abahanuzi, intumwa ndetse n’ umwihariko wa Yesu mu gusenga, Pst.Muyango yaboneyeho umwanya wo gukangurira itorero(abasaza, abakecuru, abagabo, abagore, inkumi n’ abasore) kongera imbaraga mu masengesho.
Tunga intwaro zose z’ intambara kandi uhore witeguye!
Mu gusobanura iyi nteruro, Pst. J Muyango yiyambaje urugero rw’ uburyo umusirikare w’ Umuromani yambaraga ubwo yiteguraga kujya ku rugamba.

  1. Ingofero isobanura agakiza
  2. Icyuma gikingirira igituza:Gukiranuka
  3. Ingabo igerernywa no kwizera
  4. Inkota:Ijambo ry’ Imana
  5. Mukenyere ukuri bigereranywa n’ umukandara
  6. Inkweto: Ubutumwa bwiza

Nyuma yo kwibutsa itorero guharanira gukenyera izi ntwaro 6 ndetse no kurushaho gusoma ijambo n’ amasengesho ageraranywa n’ urugamba nyarwo, Pst. Muyango yongeye kwerekana uburyo amadini yose yigisha abantu gukiranuka ariko atazi ko ubukiranutsi buboneka muri Yesu gusa.
Ati” Gusenga ni imwe mu ntambara z’ umwuka umukiristu arwana”Prayer life is war life” Bisobanura ngo ubuzima bw’ amasengesho ni ubuzima bw’intambara”.

Abakirisitu bo mu itorero, Potter’s Hand Church mu masengesho

Yasoje ubu butumwa avuga ko hari abantu bajya mu masengesho bibaza ko bahunze umwanzi kandi ari bwo urugamba ruba rutangiye.
Pst. J Muyango, ati”Umuntu wizeye by’ukuri agomba gusenga kugeza igihe Imana imusubije ibyo yasabye nta gucika intege”.
Kanda hano ujye ubona amakuru yihuse kandi kugihe kuri Facebook no kuri twitter
Gaston Rwaka/Bwiza.com
 

Tanga igitekerezo

Your email address will not be published.