Ku munsi wa 8 wa Shampiyona igitutu ku bigugu bihora bihanganye cyatangiye

Mu gihe Shampiyona y’u Rwanda igeze ku munsi wa 8 haragaragara guhangana gukomeye ku makipe yose, uburyo amakipe yose akurikiranye ku rutonde rw’agateganyo byashyize igitutu ku batoza kuko ikosa ryakorwa ku mukino wose ryahita rihindura byinshi.
APR FC kuva yava muri Brazzaville imaze gukina imikino itatu iyitsinda, byayikuye ku mwanya wa 8 ubu igeze ku mwanya wa kabiri.
APR FC ubu iri ku mwanya wa kabiri aho Rayo Sport ikiyoboye urutonde rw’agateganyo, Rayon sport kuri ubu ifite amanota 22 naho APR FC yo ikagira 17 ariko ifite umukino umwe w’ikirarane igomba kuzakina na Pepiniere FC kugirango inganye n’andi imikino makipe.
[xyz-ihs snippet=”google-pub”]
Mu gihe yaramuka itsinze umukino wayo w’ikirarane, APR FC yaba isigaye irushwa na Rayon sport amanota abiri gusa, ibyo byerekana ko Rayon Sport ifite igitutu cyo kutagira ikosa na rimwe ikora yaba gutsindwa cyangwa kunganya kuko byahita bituma APR FC iyifata cyangwa ikayicaho.
Rayon Sport na APR FC nk’abakeba bahora bahanganye n’ubundi barahanganye, n’ubwo Rayon sport ari yo ubu iri imbere.
Uretse aba bakeba b’ibihe byose, uburyo amakipe yose uko ari 16 muri AZAM Premier League ahagaze ku rutonde rw’agateganyo bigaragaza ko igitutu ari cyinshi kuko nta kipe n’imwe yari yasiga izindi ho amanota menshi ku buryo bugaragara keretse Rayon sport na APR FC mu gihe yaba itsinze ikirarane cyayo.
Muri iyi Shamiyona ya 2016, Rayon Sport isigaranye agahigo ko kuba itaratsindwa kuko ako kuba itarinjizwa igitego ko kakuweho na Gicumbi FC mu mukino wabaye ku wa 10 Ukuboza, Rayon sport yawutsinze 5-2
Uko imikino y’umunsi wa munani yagenze
AS Kigali 2-0 Musanze FC
Rayon Sport 5-2 Gicumbi FC
Bugesera FC 2-1 Amagaju
Etincelles FC 1-3 Kiyovu
Kirehe 0-1 Espoir FC
Marines FC 1-1 Mukura VS
APR FC 2-1 Sunrise FC
[xyz-ihs snippet=”google-pub”]
Muri iki cyumweru hagati hateganyijwe imikino ibiri y’ibirarane:
APR FC vs Pepiniere FC (ku wa 14/12/2016)
Mukura vs As Kigali (ku wa 13/12/2016)
URUTONDE RW’AGATEGANYO KU MUNSI WA 8

Kanda hano ujye ubona amakuru yihuse kandi kugihe kuri Facebook no kuri twitter
Schadrack@bwiza.com