Umukinnyi w’Ikipe ya FC Barcelone yo muri Espagne, Lionel Messi yahisemo kwishyira mu kato k’indwara ya Coronavirus. Ikinyamakuru The Sun gitangaza ko Messi yishyize mu nzu imwe iri mu Mujyi wa Barcelona irimo ikibuga cy’umupira, aho gukorera imyitozo ngororamubiri na pisine ngo agume ameze neza. Uyu mugabo w’imyaka 32 na bagenzi be basabwe kuba bishyize mu kato mu rwego rwo gutinya indwara ya Coronavirus. Ni nyuma y’aho Shampiyona y’Umupira w’amaguru ihagaritswe mu byumweru bibiri. Cristiano Ronaldo na we yishyize mu kato i Madeira mu gihugu cya Portugal nyuma y’aho Ubutaliyani buhagarikiye Shampiyona.
