Umwe mu baturage b’Abarundi, Claver Nzohayimana Sinarinzi yagaragaje ibyishimo byo kumva ko Inteko ishinga amategeko y’u Burundi kuri uyu wa Kane, yatoye umushinga w’itegeko rigira Pierre Nkurunziza wahoze ari Perezida wa kiriya gihugu umuyobozi w’ikirenga mu gukunda igihugu. Ni igikorwa cyahuriranye no kwimura itariki u Burundi bwizihirizagaho Umunsi wo Gukunda Igihugu, wavanwe ku itariki ya 08 Nyakanga ushyirwa ku ya 07 Kamena, umunsi Perezida Nkurunziza yapfiriyeho. Abadepite b’u Burundi basabye ko uyu munsi wahariwe Perezida Nkurunziza uba umunsi wa konje, gusa abakozi bakajya bawuhemberwa. Mu kugaragaza uko yabyakiriye, kuri Facebook Nzohayimana ati ” Ndabashimiye muvyubahiro vyanyu kuciyiyumviro ciza mwagize nakar barayamaz bati lmana yirigwa i Rwanda igataha i Burundi none iryavuzwe riratashe bona bomushira mugitabu cakahise akana kanje kakazosom inkur yuyomuhizi.” Ku rundi ruhande ariko abandi batanze ibitekerezo bagaragaza ko Nkurunziza atari akwiriye guhabwa icyo cyubahiro kuko ngo yateje umwiryane mu Barundi. Gabriel Ndimurigo ati ” Ahubwo iyo bashiraho umusi wo kumusenga,ivyovyo birasanzwe.imboneza umuntu yamaze abantu?kubwanje ntiyokwiswe imboneza yagize impfuvyi nabapfakazi beshi,nabo yahekuye sibake.” Ni ingingo yateje impaka ndende cyane kuri Facebook hagati y’Abarundi. Itegeko rigira Pierre Nkurunziza Umuyobozi w’Ikirenga mu Gukunda Igihugu ryatowe n’abadepite b’u Burundi ku bwiganze bwa 79.6%. Abadepite 87 ni bo bagaragaje ko barishyigikiye, 26 bararirwanya mu gihe nta numwe muri bo wigeze yifata. Kurikira ibiganiro n’amavidewo binyura kuri Bwiza TV
