Umuryango w’abibumbye kuri uyu wa Gatanu tariki ya 12 Gicurasi 2017, watangaje ko utewe impungenge n’igihano Leta ya Congo ikomeje guhanisha abahamwe n’ibyaha.
Loni itangaza ko ibi bihano bikomeje guhabwa abarwanya Leta ya Uganda, babarizwa mu mutwe w’inyeshyamwa wa ADF/Nalu, barwanira ku butaka bwa Repubulika iharanira Demokarasi ya Congo.
Radiyo Ijwi rya Amerika itangaza ko hashize amezi 9 urukiko rwa gisirikare rwa Kivu y’Amajyaruguru ruca imanza z’abashinjwa kwica abantu mu gace ka Beni babarirwa mu majana kuva mu mwaka wa 2014, ubwo bwicanyi bushinjwa uyu mutwe w’inyeshyamba za ADF.
[xyz-ihs snippet=”google-pub”]
Abafashwe bahita bashyikirizwa ubutabera bagacirwa imanza, kuri uyu wa Gatanu nibwo uru rukiko rwakatiye urwo gupfa abantu 4 barimo barimo Abakongomani batatu n’Umutanzaniya umwe.
Kuva mu kwezi kwa munani 2016, abagera kuri 36 nibo bamaze gukatirwa urwo gupfa, Loni ikanenga ivuga ko badahabwa igihe ngo bajurire.
Izi nyeshyamba za ADF/Nalu ziri mu mashyamba ya Congo kuva mu mwaka w’1995, agashami ka Loni gashinzwe uburenganzira bw’ikiremwamuntu hamwe na Leta ya Kinshasa babashinja kwica abantu basaga 700 kuva 2014 mu gace ka Beni.
Kanda hano ujye ubona amakuru yihuse kandi kugihe kuri Facebook no kuri twitter
Nsengiyumva Philipe/Bwiza.com
