Umunya-Uruguay, Luis Suàrez, ni umukinnyi mushya w’ikipe ya Atletico Madrid yo muri Espagne, nyuma yo gusezererwa na FC Barcelona.
Ku wa Kane w’iki cyumweru ni bwo uyu rutahizamu w’imyaka 33 y’amavuko yasezeweho na FC Barcelona, nyuma y’urugendo rw’imyaka itandatu yari yaratangiye nyuma y’Igikombe cy’Isi cya 2014.
Kuri uyu wa Gatanu ni bwo Suàrez yamuritswe nk’umukinnyi mushya wa Atlético Madrid, nyuma yo gukora ikizamini cy’ubuzima no gusinya amasezerano y’imyaka ibiri.
Suàrez yatandukanye na FC Barcelona ari rutahizamu wayo wa gatatu w’ibihe byose, nyuma yo guyitsindira ibitego 198 mu mikino 283.
Yatwaranye na yo ibikombe 13 birimo bine bya La liga na bine bya Copa del Rey, ndetse na UEFA Champions league yo muri 2015.
