Mu gitondo cyo kuri uyu wa Mbere imirwano hagati ya M23 n’ihuriro ry’inyeshyamba zifatanya na FARDC (Wazalendo) biravugwa ko yaramukiye ku muhanda Kanyamahoro-Buhumba muri Teritwari ya Nyiragongo hafi y’Umujyi wa Goma.
Amakuru aturuka aho atangazwa n’uruhande rwegereye guverinoma aravuga ko inyeshyamba za M23 zihanganye na Wazalendo, aho ngo urusaku rw’intwaro nto n’iziremereye rwumvikana mu nkengero za Kanyamahoro ariko no muri Kibumba muri Pariki ya Virunga.
Abaturage bagize bati « Inyeshyamba za M23 zagabye igitero ku birindiro bya Wazalendo zirasa amabombe no ku birindiro bimwe bya FARDC, »
Ku ruhande rwa M23, umuvugizi wa yo, Laurence Kanyuka, abinyujije kuri X yavuze ko « ahagana saa 5h40, ingabo z’ikibi z’ubutegetsi bwa Kinshasa zateye uduce dutuwe cyane muri Mweso no mu nkengero zaho. Nk’ibisanzwe, M23 yarinze kinyamwuga abasivili yirukanira kure ibyo bigwari, byataye intwaro zabyo ku rugamba, »
UPDATE 7h30, le 22 janvier 2024.#RDC_ONU #Masisi
1. Les forces coalisées du régime de Kinshasa notamment, les FADRC, FDLR, MERCENAIRES, MILICES, les FORCES DE Dà‰FENSE NATIONALE DU BURUNDI et les FORCES de la SADC ont attaqué les zones densément peuplées à Mweso et ses…
— Lawrence KANYUKA (@LawrenceKanyuka) January 22, 2024
