Umutwe wa M23 kuri uyu wa Gatatu waramukiye mu mirwano n’ihuriro ry’ingabo za Guverinoma ya Repubulika Iharanira Demokarasi ya Congo muri Teritwari ya Masisi.
Ni imirwano yatangiye saa 5h20 z’igitondo nk’uko amakuru aturuka ku ruhande rwa M23 abivuga.
Bertrand Bisimwa uyobora ishami rya Politiki ry’uyu mutwe na Lawrence Kanyuka usanzwe ari umuvugizi waryo, bombi bemeje ko imirwano iri kubera mu duce twa Kilorirwe na Tebero muri Masisi.
M23 iravuga ko uruhande rw’Ingabo za Leta ya Congo ari rwo rwateye ibirindiro byayo, gusa ikavuga ko yahise isubiza mu rwego rwo kurinda abaturage b’abasivile.
Imirwano yo kuri uyu wa Gatatu ije ikurikira iyo ku wa Kabiri tariki ya 7 Ugushyingo 2023 yabereye mu duce twa Kibumba na Buhumba two muri Teritwari ya Nyiragongo.
M23 kandi ishinja Ingabo za Congo zifatanyije n’abarimo FDLR ndetse n’abacancuro kuba ejo ku wa Kabiri bariciye mu gace ka Bambo abasivile babarirwa muri 40, abandi benshi baburirwa irengero.
Ni ibirego Igisirikare cya Repubulika Iharanira Demokarasi ya Congo kitaragira icyo kivugaho.
2 Responses
M23 na FARDC mu mirwano mishya muri Masisi
Eseko umva M23 ishaka kwikura mubyaha igashinja leta,ahubwo nibasabe SADEC ize bwangu ibakize umwanzi.
M23 na FARDC mu mirwano mishya muri Masisi
Murakoze Ku makuru meza mutugezaho. Byumwihariko”BABOU Benjamin”