Kuri iki Cyumweru, itariki ya 12 Mutarama 2025 umujyi ukomeye cyane wa Sake, wabayemo imirwano ikaze hagati ya AFC/M23 na FARDC n’abafatanyabikorwa bayo barimo Wazalendo, Abarundi, Abacanshuro n’abandi bamwe bagaragaye bahungira i Goma.
Iri huriro rya FARDC ryaje kwitabaza indege za gisirikare za kajugujugu ariko kubwo kuyoborwa nabi kajugujugu ya mbere yarashe ibirindiro by’ingabo za leta. Ibi byabaye byateje urupfu rw’abasirikare babiri n’abandi benshi barakomereka.
Ikindi kintu cyagaragaye mu gitondo kimwe cyo kuri iki Cyumweru, gifitanye isano n’ibisasu byarashwe nta kuvangura n’ibitwaro bya rutura bya FARDC byashyizwe i Misekera byerekeza Karuba.
Nk’uko byatangajwe na Byamungu Patrick, ushinzwe iperereza mu mutwe w’inyeshyamba zishyigikiye guverinoma za APCLS ya Janvier Karairi, ngo amasasu menshi y’ingabo za Kinshasa yaguye mu birindiro by’ingabo za Tshisekedi. Akomeza yerekana ko ingabo za AFC / M23 zirimo gukora ibintu bitunguranye mu mpande zose z’Ingabo za leta.
