Umuyobozi Mukuru w’urwego rw’ubutasi rw’igisirikare cy’u Rwanda, Major General Vincent Nyakarundi ari mu ruzinduko rw’akazi i Kampala muri Uganda.
Maj. Gen. Nyakarundi yitabiriye inama y’iminsi ibiri y’abakuriye inzego z’ubutasi zo mu karere ka Afurika y’iburasirazuba, ibera muri Protea Hotel Skyz guhera kuri uyu wa 17 Ugushyingo 2022.
Iyi nama iyobowe n’ukuriye ubutasi bwa Uganda, Maj. Gen. James Birungi yitabiriwe n’ibihugu 10: Djibouti, u Rwanda, Uganda, Repubulika ya Demukarasi ya Congo, Ethiopia, Somalia, Eritrea, Sudani y’Epfo, Sudani na Tanzania.
Ingingo z’ingenzi zigirwa muri iyi nama zerekeye ku buryo bwo gukomeza umutekano mu bihugu bigize akarere, hakumirwa ibikorwa by’iterabwoba n’ibyaha mbyambukiranya imipaka.
Amafoto: UPDF
