Ikipe ya Manchester United yo mu gihugu cy’u Bwongereza, yatangiye gutekereza uko yabona rutahizamu Vincent Aboubakar muri uku kwezi kwa Mutarama.
Uyu munya-Caméroun w’imyaka 30 y’amavuko, Manchester United irifuza kumusinyisha nk’intizanyo.
Vincent Aboubakar asanzwe akinira ikipe ya Al-Nassr yo muri Arabie Saoudite iheruka gusinyisha Cristiano Ronaldo.
Ikinyamakuru Daily Mail kivuga ko kuba iriya kipe iheruka gusinyisha Cristiano biha Aboubakar amahirwe y’uko ashobora kwisanga muri Premier league.
Vincent Aboubakar w’imyaka 30 y’amavuko, yakiniye amakipe atandukanye arimo FC Porto yo muri Portugal na Instanbul Beskitas yo muri Turkiya.
Al Nassr akinira muri uyu mwaka amaze kuyitsindira ibitego bine, ndetse yanatanze umupira umwe wavuyemo igitego mu mikino 11 amaze kuyikinira.
