Ikipe ya Manchester United yatsinze ikipe ya Tottenham Hotspurs ibitego 2-1 mu mukino w’igikombe cy’igihugu bita’ FA Cup’. Ibi bikaba bihesheje ikipe ya Manchester United itike yo gukina umukino wa nyuma.
Uyu mukino wari umukino wa ½ aho aya makipe yombi yari yakaniranye gusa biza kurangira umutoza Jose Mourinho wa Manchester ariwe wegukanye intsinzi. Tottenham yatangiye isatira cyane bituma ku munota wa 11, Dele Alli atsinda igitego .
Gusa ku munota wa 24 Manchester United yaje kwishyura igitego cyatsinzwe na Alexis Sanchez ku mupira yahawe na Paul Pogba. Igice cya mbere kirangira banganya kimwe ku kindi. Mu gice cya kabiri Manchester yaje ifite imbaraga nyinshi bituma ku munota wa 62 umukinnyi Ander Herrera wa Manchester atsinda igitego cy’insinzi.
Manchester United yaherukaga gukina umukino wa nyuma wa FA cup muri 2016 ubwo yatozwaga na Louis Van Gaal. Icyo gihe Manchester United yatwaye igikombe itsinze Crystal Palace ibitego 2-1.
Manchester ikaba itegereje ikipe bazahura ku mukino wa nyuma . Iyo kipe izava hagati ya Chelsea na Southampton bizakina ejo kuwa 22 Mata 2018. Umukino wa nyuma wa FA cup uzaba kuwa 19 Gicurasi 2018.
Kanda Subscribe kuri Bwiza TV ujye ubona videwo zigezweho z’ubuzima,imikino,imyidagaduro…
Nkurunziza Viateur Bwiza.com
