Maniraruta Martin uzwi ku izina rya Mani Martin mu muziki abona ko iyo Minisiteri y’Umuco na Siporo itumiye abaririmbyi mu bitaramo bakaririmba indirimbo z’abandi haba harimo gukandagira itegeko ry’uburenganzira ku mutungo mu by’ubwenge, avuga ko ari ‘uguhoterwa n’uwakakurengeye.’
Mani Martin ashingiye ku banyeshuri bo ku Ishuri ry’Umuziki n’Ubugeni rya Nyundo batumiwe mu Iserukiramuco rya Jama Fest ryabereye muri Tanzania muri Nzeri, bakaririmba indirimbo ye.
Arabaza igihe azabona inyungu mu bihangano bye mu gihe bimeze bitya.
” Ni ryari ngewe (umuhanzi w’Umunyarwanda) nzabona inyungu iva mu bihangano byange mu gihe MINISPOC/RALC batumira ishuri rya Nyundo mu birori by’iserukiramuco nka JAMA FEST kuririmba ibihangano byange? Nkiriho, ndi hano ntaho nagiye.” Mani Martin.
Aribaza impamvu aba banyeshuri batigishwa guhanga ibyabo ngo batozwe no kubiserukana.
Mani Martin avuga ko azi ko iyo izi nzego zigiye guhitamo umuhanzi, zireba mu bihangano bye. Akomeza yibaza ukuntu bemerera uyu muhanzi iyo babonyemo izo atahimbye, bakazemeza nta n’uruhushya rwa nyirazo babonye. Ati: ” Ibi koko si uguhohoterwa n’uwakakurengeye?
Uyu muhanzi uririmba indirimbo z’urukundo n’umuco w’Afurika yacishije ubu butumwa ku mbuga nkoranyambaga akoresha.
Kuri Twitter hagaragara aba baririmbyi Mani Martin avuga baririmba indirimbo ye yitwa ‘Afro’, ikaba indirimbo igaragaza imiterere y’umuco gakondo w’Afurika.
https://twitter.com/ManiMartinLive/status/1182366479745986562
Â
