Kuri uyu wa Gatanu, itariki ya 22 Gicurasi 2026, imirwano ikaze yongeye gutangira, hagati y’Ingabo za Congo, zishyigikiwe n’inyeshyamba za Wazalendo, n’abarwanyi b’Ihuriro rya AFC/M23 muri Teritwari ya Masisi.
Iyi mirwano iravugwa muri Chugi no kuri axe ya Kinigi, ku misozi ireba Kinigi na Kavuta, muri Gurupoma ya Kibabi, byibura mu birometero 30 uvuye Rubaya.
Indi mirwano iravugwa kandi kuri axe ya Gashovu-Mahiga-Nzingati-Mayuwano. Nk’uko amakuru aturuka muri ako gace agera kuri Kivu Morning Post abitangaza, ngo urusaku rw’intwaro nto n’iziremereye rwateye ubwoba muri ako gace.
Nyuma y’ibi bitero byagabwe na FARDC na Wazalendo, abaturage ibihumbi n’ibihumbi bahatiwe guhunga n’imiryango yabo.
