Kuri uyu wa Gatandatu, itariki 16 Gicurasi 2026, guhera saa moya n’igice z’ijoro kugeza ku isaha ya saa kumi za mugitondo kuri iki Cyumweru, itariki ya 17 Gicurasi 2026, ihuriro ry’ingabo z’ubutegetsi bwa Kinshasa zagabye igitero cy’amabombe ku turere dutuwe cyane twa Bidegu, Kalingi, na Mikenke muri Minembwe.
Ibi bitero byakorewe icyarimwe hakoreshejwe drone za kamikaze n’utudege twa KT-6, byibasiye abaturage b’abasivili nk’uko bitangazwa AFC/M23 mu itangazo yashyize ahagaragara.
Biravugwa ko imiryango myinshi yahatiwe guhunga mu bihe bidasanzwe, bata ingo zabo bahunga ibisasu byaterwaga n’ingabo zirwanira ubutegetsi bwa Kinshasa.
AFC/M23 ivuga ko gukoresha indege zitagira abapilote ku turere dutuwe ari ukurenga ku buryo bukabije amategeko mpuzamahanga arengera ikiremwamuntu, bikaba ari icyaha cy’intambara, n’icyaha cyibasiye inyokomuntu.
AFC/M23 yongeye gushimangira ko yiyemeje kurengera, no kurinda umutekano w’abasivili bakorerws ibyaha n’ubutegetsi bwa Kinshasa n’izindi ngabo bafatanyije.
