Minisitiri w’Ububanyi n’Amahanga n’Ubutwererane w’u Rwanda, Dr Vincent Biruta yifurije Ambasaderi wa Leta Zunze Ubumwe za Amerika (USA), Peter Vrooman urumazemo hafi imyaka ine amahirwe muri iyi nshingano arakomereza muri Mozambique.
Ni ubutumwa yamuhaye kuri uyu wa 11 Mutarama 2022 ubwo yamwakiriraga mu biro bye. Muri iki gikorwa, bombi banaganiriye ku bufatanye bw’ibi bihugu mu rwego rw’ubuzima, mu mihindagurikire y’ikirere no mu gisirikare.
Kuri ibi biganiro, Minisiteri y’Ububanyi n’Amahanga n’Ubutwererane yatangaje iti: “Minisitiri Biruta yakiriye Ambasaderi wa USA ucyuye igihe, Peter Vrooman. Baganiriye ku mubano n’ubufatanye mu buzima, imihindagurikire y’ikirere n’igisirikare. Minisitiri yamwifurije amahirwe ku kandi kazi.”
Tariki ya 27 Nyakanga 2021 ni bwo ibiro bya Perezida wa USA (Whitehouse) byatangaje ko Ambasaderi Vrooman yimuriwe muri Mozambique. Gusa kugeza ubu yari akiri mu Rwanda.
Inkuru y’iyimurwa rya Ambasaderi Vrooman https://bwiza.com/?Ambasaderi-Vrooman-wari-uhagarariye-USA-mu-Rwanda-yimuriwe-muri-Mozambique
Ambasaderi Vrooman yagizwe Ambasaderi wa USA mu Rwanda muri Werurwe 2018, atangira akazi tariki 6 Mata muri uwo mwaka.
