Minisitiri w’ingabo w’u Budage yeguye ku mirimo ye

Minisitiri w’ingabo w’u Budage, Christine Lambrecht, yeguye ku mirimo ye nyuma y’ibibazo byinshi birimo kudateza imbere Igisirikare cy’u Budage .

Bije mu gihe Berlin ikomeje kotswa igitutu kugirango yemere guha Ukraine ibifaru by’intambara byakorewe mu Budage.

Minisitiri Lambrecht yahawe urw’amenyo ubwo yatangazaga ko u Budage bugiye gufashisha Ukraine ingofero 5000 za gisirikare.

Yamaganwe kandi cyane kubera ko atigeze ateza imbere ingabo z’u Budage zivugwaho kutagira ibikoresho bihagije.

Ibi bikaba byarabaye nubwo hatanzwe miliyari 100 z’amayero (£ 88bn) kuri icyo gikorwa cyo kuvugurura igisirikare c’u Budage nyuma y’aho u Burusiya butereye Ukraine.

Lambrecht, umwe mu bagize ishyaka riharanira demokarasi n’imibereho myiza y’abaturage (SPD), rya Chancellor Olaf Scholz, yaje kandi kunengwa ubwo byagaragaraga ko yajyanye umuhungu we kumutembereza muri kajugujugu ya gisirikare.

Ariko ni videwo iteye isoni yashyize ahagaragara mu ijoro ribanziriza ubunani yateje urunturuntu kandi bimutesha gushyigikirwa mu mitwe ya politiki. Muri iyo videwo, Madamu Lambrecht yavuze ku mibereho myiza yahuye na yo mu gihe cy’intambara yo muri Ukraine, mu gihe fireworks zaraswaga i Berlin.

Mu itangazo ryo kwegura ryabonwe n’Ibiro Ntaramakuru by’u Budage, Lambrecht yagize ati: “Amezi ashize ibitangazamakuru byibanze kuri njye ntabwo binyemerera gutanga amakuru ashingiye ku byabaye no kuganira ku basirikare, igisirikare na politiki y’umutekano mu nyungu z’Abadage.

“Akazi k’agaciro k’abasirikare ndetse n’abantu benshi bashishikaye mu bijyanye n’ingabo bigomba kuba ku isonga.”

Ku wa Gatanu, Lambrecht yagombaga guhura n’abandi baminisitiri b’ingabo baturutse mu bihugu by’iburengerazuba bishyigikiye Ukraine ku birindiro by’ingabo z’Abanyamerika i Rammstein kugira ngo baganire ku gushyigikira Ukraine.