Kuri uyu wa 03 Mata 2018, Minisitiri w’Intebe, Dr Edouard Ngirente, azaba ari imbere y’Inteko Ishinga Amategeko, imitwe yombi, abagezaho uko urwego rw’ubuhinzi mu Rwanda ruhagaze.
Urwego rw’ubuhinzi ni urwego rw’ingenzi mu iterambere n’imibereho myiza y’abaturage b’igihugu icyo ari cyo cyose ku Isi. U Rwanda rukaba rushaka guteza imbere uru rwego kugirango rurusheho kugira uruhare rwiza ku buzima bw’Abanyarwanda.
Mu byo minisitiri w’intebe ateganya kugeza ku bagize inteko ishinga amategeko harimo uko urwego rw’ubuhinzi n’ubworozi ruhagaze muri iki gihe, imbogamizi rufite n’ingamba zigamije kongera umusaruro no kuwucuruza ku masoko mpuzamahanga.
Itegeko nshinga ry’u Rwanda ryo mu 2003 ryavuguruwe mu 2015 rikaba rivuga mu ngingo ya 133, ko inshuro imwe mu mirimo y’inteko rusange y’inteko ishinga amategeko, Minisitiri w’Intebe amenyesha imitwe yombi, ibikorwa bya guverinoma.
Kanda kuri SUBSCRIBE ujye ubona ibiganiro n’indirimbo bishya
