Umukinnyi wa Filimi muri Tanzania, Wema Sepetu yasabye imbabazi nyuma yaho hagaragaye amashusho ye ari mu gikorwa cy’ubusambanyi n’umusore witwa Patrick Christopher.
Ku wa Kane tariki ya 25 Ukwakira 2018, mu kiganiro yagiranye n’abanyamakuru, Sepetu yasabye imbazi ku bw’aya mashusho, aho yasomanaga na Patrick Christopher, umunwa ku wundi, muri video yasakajwe ku mbuga nkoranyambaga.
Uyu mugabo wasomanaga na Sepetu ngo asanzwe afite undi mugore ndetse banafitanye umwana. Sepetu akaba yarayigaragaje ngo aratira abakunzi be ko yabonye umukunzi mushya. Abafana be bakaba baragiye batangaza ko iyi Video ye nta kintu na kimwe yabamariye uretse kubica mu mutwe ndetse no kwiyandarika.
Nk’uko ibinyamakuru bitandukanye byo muri Tanzania bibitangaza, ngo kubera igitutu cy’abafana, Wema yatumiye abanyamakuru bagirana ikiganiro, aboneraho gusaba imbabazi, abafana, Guverinoma ndetse n’umuryango we muri rusange.
Yagize ati “ Ndisegura ku byabaye, mbere na mbere ndasaba imbabazi Guverinoma biciye muri TCRA[Ikigo gishinzwe ikurikirana ry’ihanahana makuru muri Tanzania] ndetse no mu rugaga rw’abakinnyi ba filimi, ndasaba imbabazi umuryango wanjye ndetse n’abafana bakomeje kubana na njye muri ibi bihe”.
Wema sepetu yabaye nyampinga wa Tanzania mu mwaka wa 2006, uyu mukobwa akaba yaramamaye mu ruhando rwa cinema muri Tanzania by’umwihariko akaba yarabaye inshuti n’icyamamare muri iki gihugu, Diamond Platnumz, urukundo rwabo ruza kuyoyoka mu 2014.
