Mu ntangiro z’icyi Cyumweru nibwo Umuryango w’Abibumbye, watangaje ko ishami ryayo rishinzwe kubungabunga umutekano ku butaka bwa Repubulika Iharanira Demokarasi ya Congo MONUSCO yakoreraga muri Kivu y’Amajyeofo Uvira mu birindiro bya Sange yafunze Umuryango.
Iki kigo cya gisirikare cya MONUSCO (Sange) cyakoreraga mu gace ka Uvira, mu majyepfo y’intara ya Kivu, cyarafunzwe ku mugaragaro mu rwego rwo gukomeza gusezerera izi ngabo ku butaka bwa Congo.
Icyemezo cyo gutanga imitungo cyashyizweho umukono numuyobozi wa Uvira nuhagarariye MONUSCO ndetse ibi birindiro bishyiirizwa FARDC.
Muri uyu muhango MONUSCO yashyikirije ibikoresho byinshi igisirikare cya Congo harimo imodika , amahema n’ibindi byinshi bitandukanye.
Iki kigo rero ni icya 6 gifunze mu birindiro birenga 10 by’ingabo z’umuryango w’abibumbye ziri muri Kivu yepfo.
Ifungwa rya Sange, rije nyuma y’iya Mushimbakye muri Baraka mu karere ka Fizi, irya Kamanyola mu karere ka Uvira, irya Bunyakiri mu gace ka Kalehe, ibirindiro bya Amsar n’icya Kavumu mu karere ka Kabare.
Leta ya Congo yagiye ishinja Monusco kutayifasha kwivuna abarwanyi ba M23 nkuko yari ibyiteze ahubwo ikayishinja gufasha uyu mutwe kubagabaho ibitero. Ni mu gihe ku rundi ruhande aba barwanyi nabo bagiye bifatira ku gahanga izi ngabo gufasha FARDC kubagabaho ibitero bya hato na hato.
